«Көптеген жерлердің жолдары толық жабылды, тұрғын үйлер суға кетті, олардың кейбірі түгелдей суі астына батты», - деді азаматтық қорғаныс аймақтық басқармасының басшысы Чито Кастро. Құрбан болғандар мен қирату жөнінде ақпарат түскен жоқ. Дауылдың, желдің күші сағатына 120 шақырымға жетіп, архипелагтың солтүстік-батыс бөлігіне қарай төніп келеді.
7 мыңға жуық арал құрамына кіретін Филиппинде жыл сайын 27 тайфун мен дауыл әбігерге салады. Олардың бірі өте жойқын «Хайян» тайфуны 2013 жылы қарашада 6 мың адамның өмірін қиып кеткен болатын. Апат салдарынан әртүрлі дәрежеде 12 млн.-ға дейін тұрғын зардап шекті.