ТАШКЕНТ. KAZINFORM – Өзбекстан өз аумағында «Формула-1» жарысының кейбір кезеңдерін өткізу мүмкіндігін қарастырып жатыр, деп хабарлайды Kazinform агенттігінің меншікті тілшісі.
Бұл туралы белгілі британиялық журналист Джо Сейвард мәлім етті.
Оның айтуынша, Өзбекстан өкілі Сингапурде өткен Гран-приге қатысып, жарыс барысында Ташкентте және елдің өзге де ірі қалаларында «Формула-1» жарысының кейбір кезеңдерін өткізу мүмкіндігін талқылаған.
– Сайыс Таиланд, Оңтүстік Корея және Өзбекстанда өтуі ықтимал. Бұл осы елдерде көлік спортына деген қызығушылықтың артып келе жатқанын көрсетеді, - деп мәлім етті Джо Сейвард.
Қоса кетейік, биыл қыркүйекте Әзербайжанда өткен «Формула-1» Гран-приінде Ферстаппен жеңіске жетті.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.