«Енді Франция мен француздарды қорғауды қамтамасыз ету, елдің амбициясын қолдау үшін қажетті әскер үлгісінің орнықтылығын қамтамасыз етуге құқығым жоқ деп санаймын», - делінген генералдың мәлімдемесінде.
Атап өтсек, өткен аптада парламенттік тыңдау кезінде бас штабтың басшысы ағымдағы жылы қорғанысқа шығынды 850 млн еуроға қысқарту бойынша үкіметтің жоспары жайлы ойын білдірген. Бір аптадан соң 61-ге толатын Пьер де Вилье 2014 жылғы ақпанда француздық бас штабтың басшысы болып тағайындалған. 30 маусымда оның өкілеттігі тағы бір жылға ұзартылған.