НҰР-СҰЛТАН. ҚазАқпарат - Футболдан UEFA Ұлттар лигасының үшінші турының екінші ойын күні өтті, деп хабарлайды ҚазАқпарат тілшісі.
Бұл күнгі негізгі кездесулер Австрия мен Франция, Дания мен Хорватия құрамалары арасында өтті.
Құрамалар А лигасы бірінші тобында сынға түседі. Австрия мен Франция 1:1 есебіне қанағат білдірсе, Дания Хорватияға 0:1 есебімен жол берді.
Айта кетсек, С лигасы 1 тобында сынға түсетін Қазақстан сырт алаңда Беларусьпен 1:1 есебімен тең түссе , Әзербайжан өз алаңында Словакияға 0:1 есебімен жол берді .
Үш ойында небәрі екі ұпай жинаған Франция өз тобында соңғы орында тұр.
Бұл күнгі өзге ойын нәтижелері төмендегіше:
В лигасы 2 топ
Албания - Израиль 1:2
D лигасы 1 топ
Молдавия - Латвия 2:4
Андорра - Лихтенштейн 2:1
Енді 11 маусымда үшінші тур ойындары жалғасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.