АСТАНА. ҚазАқпарат – Қатарда футболдан өтіп жатқан әлем чемпионатында Франция құрамасының капитаны әрі қақпашысы Уго Льорис өз командасын Мароккомен матчқа бастап шықты, деп хабарлайды ҚазАқпарат тілшісі.
Бұл У.Льористің әлем чемпионаттарындағы 19-ыншы ойыны еді.
Осылайша, Льорис Германия құрамасының қақпашысы Мануэль Нойердің жетістігін қайталады. М.Нойер де дүниежүзілік біріншілікте 19 матч өткізген болатын.
Льорис тағы бір германиялық Зепп Майер мен бразилиялық Клаудио Таффарелдің көрсеткішінен асып түсті. Олардың есебінде 18 бәсекеден бар.
2018 жылы әлем чемпионы атанған Уго Льорис бүгін Франция құрамасы сапында 144-інші рет алаңға шықты.
Еске сала кетейік, бұдан бұрын Уго Льористің өз елінің рекордын жаңартқанын, Аргентина құрамасының финалға шыққанын жазған болатынбыз.
Сондай-ақ Месси әлем чемпионаттарында Аргентина құрамасының үздік сұрмергені атанды.
Үздік ойыншы Месси әлем чемпионаттарының рекордын орнатты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).