Францияда ҚХР миллиардері отырған тікұшақ апатты болды
20:00, 21 Желтоқсан 2013
АСТАНА. 21 желтоқсан. ҚазАқпарат - Қытайлық миллиардер Лам Кок пен оның 12 жасар ұлы болжам бойынша Францияның оңтүстік-шығысында тікұшақ апатының құрбандарына айналды. Шетелдік БАҚ-тың мәліметінше, олар таяуда сатып алған жүзім алқабын тікұшақ арқылы аралап өтуге барған көрінеді.
Сонымен қатар тікұшақта аталған қожалықты сатқан адам да болған екен.
Бұл апат Франциядағы ең көне жүзім алқабы орналасқан Бордо ауданында орын алды.
Қожалықтың осының алдындағы иесі де 2002 жылы ұшақ апатынан опат болған еді.