Францияда 2 банктің төлем жүйесінде ақау болды

АСТАНА. KAZINFORM — Францияда елдің 14 миллионға жуық тұрғынына қызмет көрсететін ірі банктердің төлем жүйелерінде ақау болды, деп хабарлады Le Parisien. 

Газет Crédit mutuel және CIC клиенттерінің екі сағаттан астам уақыт бойы несие картасымен сатып алу үшін төлем жасай алмағанын немесе қолма-қол ақшаны ала алмағанын көрсетеді.

Бірінші банк проблемаларды «ішкі ақау» деп түсіндірді. Дереккөз қиындықтардың компьютерді жаңартудан кейін пайда болғанын айтты.

Downdetector порталының мәліметі бойынша, Crédit mutuel клиенттерінен 5 000-нан астам және CIC-тен 3 000-нан аз шағым түскен.

Басылымның мәліметінше, банк клиенттері 30 тамыз күні сағат 17:20 мен 19:30 (Астана уақытымен 20:20 және 22:30) аралығында несие картасымен сатып алу ақысын төлей алмаған немесе қолма-қол ақша ала алмаған. Қалған қызметтердің барлығы, соның ішінде банктік аударымдар да жұмыс істеп тұрған.

Еске сала кетейік, бүкіл әлем бойынша Starlink байланыс жүйесінде ақаулар тіркелгені жайлы жазған едік.