АСТАНА. KAZINFORM — Фристайл-могулдан Энгадинде (Швейцария) өтетін әлем чемпионатына Қазақстаннан кімдердің қатысатыны белгілі болды.
Ұлттық олимпиада комитетінің баспасөз қызметінен мәлім еткеніндей, Қазақстан құрамасының бапкерлік штабы жеті спортшыға сенім артты.
Жылдың ең басты жарысында ел намысын Юлия Галышева, Анастасия Городко, Юлия Феклистова, Павел Колмаков, Антон Бондарев, Федор Бугаков, Максим Емельянов қорғайды.
Іріктеу кезеңі 18 наурызда өтеді. Негізгі жарыстар 19 наурызда басталады. Параллель могулдағы жүлделер 21 наурызда сарапқа салынады.
Еске сала кетейік, бұдан бұрын Анастасия Городконың әлем кубогының қола медаліне қол жеткізгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).