АСТАНА. KAZINFORM - Фристайл могулдан Италияның Кьеза-ин-Вальмаленко қаласында өткен жасөспірімдер арасындағы әлем чемпионатында қазақстандық Анастасия Городько топ жарды.
Жарыс барысында қазақстандық спортшы жоғары нәтиже көрсетті. Нәтижесінде жеңіс тұғырынан көрінді.
Жарыс нәтижесі төмендегіше:
1. Анастасия Городько (Қазақстан) - 71.89 ұпай
2. Марин Ито (Жапония) - 71.35 ұпай
3. Юма Тагучи (Жапония) - 69.96 ұпай.
Бұған дейін Анастасия 2022 жылы дәл осы әлем чемпионатында паралель могулдан жеңімпаз атанған еді.
Аталған әлем чепионатында оған қоса могул мен командалық параллельді могулден күміс медаль алып қайтты.
Сондай-ақ, ол 2022 жылы Қытай астанасы Бейжің қаласында өткен Қысқы Олимпиадаға небәрі 16 жасында қатысып, 11-орынға тұрақтаған еді.
Анастасия Городько 2005 жылы Өскемен қаласында дүниеге келген. Бес жасынан бері спортпен айналысады. Алғашқы бапкері - Виктор Рейхерд.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.