17:11, 06 Сәуір 2017

Футбол: «Ақжайық-2006» командасы Тараздан жеңіспен оралды

ОРАЛ. ҚазАқпарат - «Ақжайық-2006» командасы футболдан Қазақстанның еңбек сіңірген жаттықтырушысы Жапар Сауырғалиевті еске алуға арналған 2005-2006 жылғы жасөспірімдер арасында Таразда өткен республикалық турнирден жеңіспен оралды, деп хабарлайды «ҚазАқпарат» тілшісі.



«Ақжайық» футбол клубынан түскен мәліметке қарағанда, аса сәтті ойын өрнегін көрсеткен батысқазақстандық жасөспірімдер жартылай финалда Көкшетаудың «Оқжетпес-2006» командасын 3:2 есебімен тізе бүктірді. Ал финалда Қарағандының «Шахтер-2006» командасын 2:1 есебімен ұтып, турнир жеңімпазы атанды. Оған қоса «Ақжайық-2006» жарысында Саят Қайленов үздік қақпашы, Эльдар Меңдіғалиев үздік ойыншы атағын иеленді.

 

Батыс Қазақстан облысы Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).