ОРАЛ. ҚазАқпарат – Биыл премьер-лигада ойнайтын Оралдың «Ақжайығы» Анталияда оқу-жаттығу жиынын бастады, деп хабарлайды ҚазАқпарат тілшісі.
«Ақжайық» футбол клубының директоры Азамат Шайхының мәлім еткеніндей, команда украиналық маман Владимир Мазярдың басшылығымен жаттығуда.
«Ақжайық» құрамында бұрыннан өнер көрсетіп келе жатқан ойыншылар бар. Сонымен қатар жаңадан бірнеше футболшы сыннан өтетін болады.
«Оралдықтар Түркияда жаңа маусымға барынша тыңғылықты дайындалмақшы. Оқу-жаттығу жиыны қазіргі қалыптасқан жағдайға байланысты отыз күнге дейін созылуы мүмкін», деді ҚазАқпарат тілшісіне А.Шайхы.
Еске сала кетейік, бұдан бұрын Криштиану Роналдудың футбол тарихындағы үздік сұрмерген атанғанын, «Ордабасы» клубына бас бапкер тағайындалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).