ОРАЛ. ҚазАқпарат - Футболдан Қазақстан чемпионатының 16-турында Петропавлда жергілікті «Қызылжар» Оралдың «Ақжайық» командасын қабылдады, деп хабарлайды ҚазАқпарат тілшісі.
Осының алдында үш рет қатарынан жеңіліс тапқан «Ақжайық» қалайда жанкүйерлерінің көңілінен шығуға тырысып бақты.
Бір жақсысы, жарақатынан айыққан украиналық қақпашы Сергей Литовченко қайтып оралды.
Бірінші таймда қос команда пәлендей өнер көрсете алған жоқ.
Екінші таймда 50-минутта оралдық Иван Антипов есеп ашты - 1:0. Бұдан кейін командалар қанша шабуылға шығып көргенмен, есеп өзгерген жоқ.
Бірінші айналымда Оралда «Қызылжар» 1:0 есебімен жеңіске жеткен еді. «Ақжайық» соның есесін қайырды.
Украиналық маман Владимир Мазярдың шәкірттері 24 ұпаймен турнир кестесінде төртінші орынға қайта көтерілді.
Еске сала кетейік, бұдан бұрын «Ақжайықтың» өз алаңында «Ордабасыға» есе жібергенін жазған болатынбыз.
Суреттер: Айбатыр Нұраш.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).