НҰР-СҰЛТАН. ҚазАқпарат - Ресейлік маман Андрей Тихонов елордалық «Астана» командасы бас бапкері қызметінен кетті, деп хабарлайды ҚазАқпарат тілшісі.
Бұл жөнінде команданың баспасөз қызметі мәлім етті.
Андрей Тихонов 2020 жылдың қазан айынан бастап бас бапкер қызметіне кіріскен еді. Былтыр «Астана» ел біріншілігінде қола алса, биыл күміс жүлдеге қол созды.
Елордалық клубты алдағы Қазақстан кубогы ойындарына бұрын бапкердің көмекшісі болған Владимир Ежуров жетекшілік жасайды.
Айта кетсек, 29-турдағы «Астананың» Алматы қаласында «Қайрат» командасына қарсы өткізген кездесуінде ойын бітпестен елордалық футболшылар төреші шешіміне наразы болып, алаңды тастап кетіп қалды. Кейіннен олар жасыл алаңға қайта оралғанымен Қазақстан футбол федерациясы мұндай жөнсіздікке жол берген бас бапкер Андрей Тихоновты ел аумағында екі жыл бойы қызмет атқаруына тыйым салды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.