АСТАНА. ҚазАқпарат - Бүгін «Астана Арена» стадионында «Астана» мен «Қайрат» (Алматы) командалары арасында футболдан Қазақстанның Суперкубогы үшін кездесу өткізілді. Оны ҚР Президенті Н.Ә.Назарбаев тамашалады.
Биылғы маусымдағы алғашқы матч аса тартысты өткенімен, тоқсан минут бойы, одан кейінгі қосымша екі таймда да есеп ашылмады. Суперкубок тағдыры ойын соңында пенальти соғу кезінде шешілді. Мұнда, әсіресе, «Астана» клубының қақпашысы Ненад Эрич алматылықтар соққан үш бірдей допты қайырып, ерлік жасады. Жеңіс нүктесін астаналықтардың капитаны Абзал Бейсебеков қойды. Сөйтіп пенальти соғуда 3:2 есебімен басым түскен «Астана» ел Суперкубогын ұтып алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).