НҰР-СҰЛТАН. ҚазАқпарат - Елордалық «Астана» келесі жылы ақпан айында футболдан Португалияда өтетін халықаралық «Atlantic Cup» жолдастық турниріне қатысады, деп хабарлайды ҚазАқпарат команда сайтына сілтеме жасап.
Аталмыш турнирге «Астана» командасының негізгі құрамы қатысады деп жоспарланып отыр. Елордалық клубтан бөлек оған Данияның «Копенгаген», «Орхус», «Брондбю», Швецияның «Норчеппинг» және «Хаккен» командалары келетіні белгілі болып отыр.
Халықаралық турнир 2011 жылдан бері өткізіліп келеді. Бүгінгі күнге дейін тоғыз команда жеңімпаз атанып үлгерді. Олардың қатарында Данияның «Мидтьюлланн», «Копенгаген», «Орхус», Ресейдің «Зенит», «Динамо» (Мәскеу), Австрияның «Рапид Виен», «Ред Булл Зальцбург», Швецияның «Эльфсборг», Хорватияның «Риека» командалары алтыннан алқа тақты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.