НҰР-СҰЛТАН. ҚазАқпарат - Бүгін Швейцарияның Ньон қаласында футболдан UEFA Чемпиондар лигасы 1/8 финалдық кезеңінің жеребесі тартылды, деп хабарлайды ҚазАқпарат тілшісі.
Жарыстың аталмыш сатысында барлығы 16 команда сынға түседі. Бұл командалар төмендегіше жұп құрады. Енді «Боруссия Дортмунд» (Германия) мен ПСЖ (Франция), «Реал Мадрид» (Испания) мен «Манчестер Сити» (Англия), «Аталанта» (Италия) мен «Валенсия» (Испания), «Атлетико Мадрид» (Испания) мен «Ливерпуль» (Англия) командалары кездеседі. Сондай-ақ, «Челси» (Англия) мен «Бавария» (Германия), «Лион» (Франция) мен «Ювентус» (Италия), «Тоттенхэм» (Англия) мен «РБ Лейпциг» (Германия), «Наполи» (Италия) мен «Барселона» (Испания) командалары кездеседі.
Чемпиондар лигасы 1/8 финалдық ойындары 18-19, 25-26 ақпан күндері өткізілсе, қарымта кездесу 10-11, 17-18 наурыз күндері болады.
Финал 30 мамырда Түркияның Стамбул қаласындағы Ататүрік атындағы Олимпиадалық стадионында өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.