АСТАНА. ҚазАқпарат - Футболдан грузиялық маман Кахабер Цхададзе Ақтаудың «Каспий» командасы бас бапкері қызметінен кетті. Бұл жөнінде команданың баспасөз қызметі мәлім етті, деп хабарлайды ҚазАқпарат тілшісі.
«Құрметті жанкүйерлер, екі тараптың келісімі бойынша бас бапкері Кахабер Цхададзе командамыздан кеткенін хабарлаймыз. Алдағы уақытта сәттілік тілейміз және бізбен бірге болғаныңызға рахмет айтамыз», - деп жазылған хабарламада.
Грузиялық маман ақтаулық клубқа биылғы жылы бас бапкер қызметіне келді.
Команда Премьер-лиганың бес турының барлығында жеңіліс тапты. Турнир кестесінде соңғы орында тұр. Қарсыластар қақпасына небәрі төрт гол соғып, өз қақпасына он үш гол жіберіп алған.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.