АСТАНА. ҚазАқпарат - Ақтаулық «Каспий» командасының бас бапкері қызметіне Кахабер Цхададзе тағайындалды. Бұл жөнінде команданың баспасөз қызметі мәлім етті, деп хабарлайды ҚазАқпарат тілшісі.
Ақтаулық команда биыл 26 ойыннан кейін 31 ұпай жинап, турнир кестесінде тоғызыншы орынға тұрақтады. Аталған клубтың бас бапкері қызметін бұған дейін болгариялық маман Николай Костов атқарды.
Кахабер Цхададзе 1968 жылы дүниеге келген. Футболшы мансабында 1984-2004 жылдар аралығында Грузия, Швеция, Ресей, Германия, Англия клубтарында ойын көрсетті.
2002 жылдан бері Грузия, Әзербайжан және Қазақстан командаларында еңбек етіп келеді. Елімізде «Қайрат» және «Ордабасы» клубтарында бас бапкер қызметін атқарды.
Еске салсақ, бұдан бұрын еліміздің ұлттық құрамасының бас бапкері Магомед Адиевпен келісімшарт мерзімі ұзартылды.
Фото: instagram.com/caspiy_fc
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.