Transfermarkt. De сайтының деректеріне сәйкес, «Қайрат» командасындағы трансферлік баға 11 миллион 530 мың еуроны құраған. Ал ең төменгі трансферлік баға Семейдің «Спартагында» тіркелді - бары-жоғы 3 миллион 80 мың еуро. Есесіне Қызылорданың «Қайсар» командасы ойыншыларының саны жөнінен бірінші орынға бір-ақ шықты. Қазір команда құрамында 30 футболшы өнер көрсетеді. Ең аз ойыншы «Ақтөбеде» - 23 футболшы.
Жасы ең үлкен ойыншылар «Ақтөбе» мен «Ертісте» - 27,9 жас. Ал ойыншылары ең жас команда - Алматының «Қайраты» - 24,9 жас.
Ең көп легионерлер «Атырау» командасында тіркелді - барлығы 13 ойыншы. Ал ең азы «Тараз» бен «Жетісуда» - 7 ойыншыдан. Футболдан ұлттық құрама команданың ең көп мүшесі «Ақтөбе» командасында ойнайды екен - барлығы 10 адам. Ең азы Семейдің «Спартагында» - бары-жоғы 1 адам.