НҰР-СҰЛТАН. ҚазАқпарат - Футболдан Қазақстан құрамасы маусым айында Мальтамен жолдастық кездесу өткізеді, деп хабарлайды ҚазАқпарат тілшісі.
Бұл жөнінде Қазақстан футбол федерациясы мәлім етті. Кездесу Аустрияның Вольфсберг қаласындағы «Лавенталь Арена» стадионында 7 маусымда болады.
Екі құрама бұған дейін 2003 жылы Мальта астанасы - Валетта қаласында шеберлік байқасты. Онда 2:2 есебі тіркелді.
Естеріңізге сала кетейік, 4 маусымда күні Қазақстан құрамасы Косово астанасы - Приштина қаласында сол елдің футболшыларымен жолдастық кездесу өткізеді.
Айта кетейік, 2022 жылғы әлем чемпионатына Еуропа құрлығындағы іріктеу кезеңінде Қазақстан D тобында сынға түсіп жатыр. Қарсыластары - Франция, Украина, Финляндия, Босня және Герцоговина.
Әзірге екі кездесу өткізді. Өз алаңында Франциядан 0:2 есебімен жеңіліп, сырт алаңда 1:1 есебімен тең түсті. Екі ойында бір ұпай жинаған Қазақстан құрамасы бесінші орында тұр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.