НҰР-СҰЛТАН. ҚазАқпарат – Қазақстан ұлттық құрамасының ойыншысы Серікжан Мужиков қостанайлық «Тобыл» командасына алынды, деп хабарлайды ҚазАқпарат тілшісі.
«Тобыл» футбол клубы мәлім еткеніндей, жартылай қорғаушымен бір жылға келісімшарт жасалды.
Серікжан спорттық жолын талдықорғандық «Көксу» командасында бастады. Сосын жеті жыл бойы «Жетісу» намысын қорғады. Соның құрамында ел чемпионатының күміс жүлдегері атанды. «Жетісу» құрамында Еуропа лигасында команданың жалғыз голын соқты.
С.Мужиков 2014 жылы «Астанаға» келді. Елордалық клубпен бірге алты мәрте Қазақстан чемпионы, кубок пен суперкубок иегері атанды. 2015 жылы жалгерлік негізде «Қайсарда» ойнады.
С.Мужиков ел құрамасы сапында 23 матч өткізіп, бір гол соқты.
Еске сала кетейік, бұдан бұрын Қазақстан құрамасының тағы бір ойыншысы «Астанадан» кеткенін жазған болатынбыз.
Фото: fctobol.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).