НҰР-СҰЛТАН. ҚазАқпарат - Футболдан 21 жасқа дейінгі Қазақстан жастар құрамасы 2023 жылғы Еуропа чемпионаты іріктеу кезеңінің алғашқы ойынында Бельгиямен кездеседі, деп хабарлайды ҚазАқпарат тілшісі Қазақстан футбол федерациясына сілтеме жасап.
Айта кетсек, бұл ойын 4 маусымда өз алаңында болады. Одан кейін 8 маусымда Түркияны қабылдайды. Өз алаңында 7 қыркүйекте Даниямен шеберлік байқасады.
Одан кейінгі екі ойынды 8 қазанда Бельгияға, 12 қарашада Шотландияға қарсы өткізеді. Ал 2022 жылдың 29 наурызында өз алаңында Шотландиямен қарымта ойын өткізсе, 4, 10 маусым күндері Дания мен Түркиямен жасыл алаңға шығады.
Қазақстан жастары I топта сынға түседі. Бас бапкері - қазақстандық маман Қайрат Нұрдәулетов.
Доп додасының іріктеу кезеңі 2021 жылдың наурыз айынан 2022 жылдың маусымына дейін өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.