АСТАНА. ҚазАқпарат - Англияның «Манчестер Юнайтед» клубы Лига кубогына қол жеткізді. Бұл - жаңа бапкері Эрик тен Хаг жетекшілігімен қол жеткізген алғашқы табысы. Команда бұған дейін 5 жыл 278 күн бойы ешқандай титулға қол жеткізе алмай келді, деп хабарлайды ҚазАқпарат тілшісі.
Манчестерлік клуб Англия лигасының кубогының шешуші ойынында «Ньюксал» командасын 2:0 есебімен тізе бүктірді. Соңғы мәрте «қызыл айдаһарлар» 2017 жылдың мамырында жоғары табысқа қол жеткізді. Сол жолы Жозе Моуриньомен бірге Еуропа лигасы жеңімпазы атанды.
«Манчестер Юнайтед» клубында қазір бапкер қызметін атқаратын нидерландтық Эрик Тен Хаг осылайша жаңа командасымен алғаш рет жоғары биіктікті бағындырды. Ол жаңа маусым алдында команда тізгінін ұстаған болатын.
Нәтижесінде нидерландтық бапкер қазірге дейін 7 титулға қол жеткізді. Оның 6-да өз елінің «Аякс» клубымен бірге зор табысқа кенелді.
«Манчестер Юнайтед» қазір Еуропа лигасында сынға түсіп келеді. Олар 23 ақпанда аталған турнирдің плей-офф кезеңінде маңызды ойын өткізіп, испаниялық «Барселона» командасын орта жолда қалдырып кетті.
Еске салсақ, Еуропа чемпионаты іріктеу сатысында Қазақстан құрамасының алдағы екі ойыны қашан өтетіні белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.