НҰР-СҰЛТАН. ҚазАқпарат - Қазақстандық футболшы Нұрәли Әліп «Зенит» командасы сапында Ресей біріншілігінде тұсаукесер ойынын өткізді , деп хабарлайды ҚазАқпарат тілшісі.
Айта кетсек, Нұрәли Әліп биыл Ресейдің «Зенит» командасына ауысқан болатын.
Ресейлік клуб бүгін өз алаңында Башқұрстанның «Уфа» командасын қабылдады. Қарсыласын 2:0 есебімен тізе бүктірді.
Қазақстандық футболшы 78-минутта бразилиялық жартылай қорғаушы Венделді алмастырды.
Бұдан бұрын ол Ресей кубогы 1/8 финалында «КаМАЗ» командасына қарсы ойында жасыл алаңға шыққан еді.
Нұрәлі Пактұлы Әліп 1999 жылдың 22 желтоқсанында Ақтау қаласында дүниеге келген. Бұған дейін футболшы мансабында Алматының «Қайрат» командасында өткізді.
Нұрәли Әліп биылғы жылдың қаңтарында «Зениттің» оқу-жаттығу жиынына шақырту алды.
Atlantic Cup кубогында Данияның «Мидтьюлланд» және «Брондбю» командалары қақпасына екі гол соқты. Ол өзінің жаңа клубында 28 нөмірлі жейдеде ойын көрсетеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.