ОРАЛ. ҚазАқпарат - Футболдан ҚР чемпионаты премьер-лигасында өнер көрсететін Оралдың «Ақжайығы» жаңа маусымға дайындыққа кірісті, деп хабарлайды ҚазАқпарат тілшісі.
«Ақжайық» футбол клубынан алынған мәліметке қарағанда, оралдықтар команда бапкері Артур Авакянцтың басшылығымен әзірге Оралдағы өз алаңында жаттығуда. Оған негізінен жергілікті ойыншылар, сондай-ақ қосалқы және жастар құрамасынан алынған футболшылар қатысуда.
Маусым алдындағы бастапқы жиын 31 желтоқсанда аяқталып, содан кейін команда толық құрамда 8 қаңтар күні Антальяда бас қосады. «Ақжайықтағы» өзгерістер сол кезде белгілі болмақ.
Айта кетейік, батысқазақстандықтар биылғы ел біріншілігінде отандық маман Вахид Масудовтың жетекшілігімен оныншы орынды иеленген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).