АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 13-турының алғашқы ойын күні мәресіне жетті, деп хабарлайды ҚазАқпарат тілшісі.
Алғашқы күнгі ойындарды «Ақсу» мен «Ордабасы» командалары түйіндеді.
Кездесу тағдырын 66-минутта шымкенттік клубтан Владислав Васильев соққан жалғыз гол шешті. Нәтижесінде «Ордабасы» қарсыласын 1:0 есебімен тізе бүктірді. Қатарынан алтыншы мәрте жеңіске жетіп, турнир кестесінде екінші орынға мықтап орнықты.
Ал «Ақсу» соңғы он ойынның тоғызында жеңіліп, біреуінде ғана қарсыласынан басым түсті. Турнир кестесінде соңғы орында тұр.
Сондай-ақ, «Астана» «Каспийді» 3:1 есебімен жеңсе, «Қайрат» «Қызылжарды» 3:0 есебімен тізе бүктірді.
Ал одан кейін «Атырау» «Тобылды», «Жетісу» «Шахтерді» қапы қалдырды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.