НҰР-СҰЛТАН. ҚазАқпарат - Футболдан Премьер-лигада сынға түсетін Петропавлдың «Qyzyljar» командасының бас бапкері Вячеслав Руснак қызметінен кетті, деп хабарлайды ҚазАқпарат тілшісі.
Бұл жөнінде команданың баспасөз қызметінен мәлім етті.
Молдова елінің маманы петропавлдық клубтың тізгінін биыл ұстаған болатын. Оның басшылығымен команда 23 ұпаймен тоғызыншы орын алды.
Вячеслав Руснак өзінің футболшылық мансабында Молдованың «Олимпия», «Зимбру» және қазақстандық «Шахтер» командаларында доп тепті. 2011 жылдан бері бапкерлікке бет бұрды.
Бапкерлік қызметінде молдовалық көптеген клубтарда басшылық етті. Биылғы жылдың басында «Qyzyljar» командасының бас бапкері болып тағайындалды.
Бұдан бұрын «Қайсар» клубына бас бапкер тағайындалғанын жазған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.