АСТАНА. ҚазАқпарат - Футболдан Премьер-лига командалары арасындағы ел біріншілігінде 11-турында «Тобыл» «Оқжетпестен» басым түсті, деп хабарлайды ҚазАқпарат тілшісі.
Аталған турдың екінші ойын күнінде Қостанайдың «Тобылы» елордада көкшетаулық «Оқжетпеспен» кездесті.
Кездесуде көшетаулық команда алғашқы болып есеп ашты. Ойынның 7-минутында Максим Драченко «Тобыл» қақпасынан саңылау тапты. Оған 17-минутта қостанайлық клубтан Серікжан Мужиков бір голмен жауап қайырды.
Екінші кезеңнің 72-минутында «Тобыл» шабуылшысы Серж Дебле өз командасын алға шығарды.
Осылайша қостанайлық клуб қарсыласынан 2:1 есебімен басым түсті.
Айта кетсек, 27 мамырда «Мақтарал» «Қайратты» 3:1 есебімен жеңіп кетті.
Сондай-ақ, «Каспий» мен «Шахтер» кездесуінде 1:1 есебімен тең түссе, «Ақсу» өз алаңында «Жетісуды» 2:1 есебімен тізе бүктірді.
Енді бүгін, 28 мамырда «Қызылжар» (Петропавл) мен «Ордабасы» (Шымкент), «Атырау» мен «Астана», «Қайсар» (Қызылорда) мен «Ақтөбе» жасыл алаңға шығады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.