ФУТБОЛ:Түркия құрамасы 10 маусымда Алматыға келеді
10:54, 01 Маусым 2015
АСТАНА. ҚазАқпарат - 12 маусымда Алматыдағы матчқа қатысатын Түркия құрамасының ойын кестесі белгілі болды, деп жазады Sports.kz.
Түркияның ұлтық құрамасы 4 маусымда Ыстамбұлға жиналады, араға төрт күн салып Болгария құрамасымен жолдастық кездесу өткізеді.
Ал 10 маусымда Түркия құрамасы шамамен сағат 17:35-те Алматыға келеді. Келесі күні сағат 19:00-де «Орталық» стадионда матч алдындағы жаттығуларын өткізеді. Ойын аяқталған соң Түркия құрамасы Ыстамбұлға оралады.
Естеріңізге сала кетейік, Қазақстан және Түркия құрамаларының арасындағы Еуропа чемпионатының матчы 12 маусым күні Алматы қаласында өтеді.