АСТАНА. ҚазАқпарат - Семейлік «Елімай» командасының бас бапкері қызметіне Владимир Никитенко тағайындалды, деп хабарлайды ҚазАқпарат тілшісі.
Қазақстандық маман футболшылық мансабында Түркіменстанның «Строитель», қазақстандық «Қайрат» (Алматы), «Трактор» (Павлодар), «Химик» (Жамбыл), «Достық» (Алматы) клубтарында доп тепті.
1991 жылдан бері қазақстандық «Қайрат», «Елімай», «Қайсар» және өзге клубтарда еңбек етті.
«Елімай» 2015-2022 жылдар аралығында үлкен футболдан шет қалды. Биылғы жылдан бастап бірінші лигада бақ сынап келеді. Қазірге дейін 10 турда 28 ұпай жинап, турнир кестесінде бірінші орында тұр.
Еске салсақ, бұдан бұрын футболдан бірінші лигада «Елімай» тоғызыншы ойын қатарынан жеңіске жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.