АСТАНА. ҚазАқпарат - 21 жасқа дейінгі Қазақстан ұлттық құрамасы германиялық «Кайзерслаутерн» клубымен жолдастық кездесу өткізіп, жеңіліп қалды, деп хабарлайды ҚазАқпарат тілшісі.
Матч барысында есепті алғаш болып Қазақстан құрамасы ашты. Футболшыларымыздан Максим Федин гол соғып, өз командасын алға шығарды. Өкінішке қарай, одан кейін германиялық клубтың жастары қақпаға 2 доп салып, бірінші таймды жеңіспен аяқтады.
Ал ойынның екінші бөлігінде Қазақстан сапынан Оралхан Өміртаев мергендігімен көзге түсіп, есепті теңестіргенімен, қарсыластары да қарап қалмай үшінші голын салып, жеңісті қолдан жұлып алды.
Осылайша, жерлестеріміз 3:2 есебімен ұтылды.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.