АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 12-турында тағы бір ойынның нәтижесі белгілі болды, деп хабарлайды ҚазАқпарат тілшісі.
Бұл ойында Талдықорғанның «Жетісу» командасы өз алаңында Ақтаудың «Каспийін» қабылдады.
Екі команда да турнир кестесінің ортаңғы бөлігінде келеді. Сондықтан бүгінгі ойында екеуі де жеңіске жетуге күш салатыны анық еді.
Бірінші кезеңде «Каспий» сапынан Рубен Бриджидо 34, Георгий Панцулая 37-минутта мергендік танытты.
Оған талдықорғандық клубтан Асхат Балтабеков 45, Йован Стоянович 81, 90-минутта үш голмен жауап берді.
Осылайша «Жетісу» қарсыласын 3:2 есебімен тізе бүктірді.
Енді елорда уақытымен 20:00-де «Қайсар» мен «Мақтарал» кездеседі.
Еске салсақ, бұдан бұрын «Қайрат» «Оқжетпестен» 2:1 есебімен басым түсті.
Сондай-ақ, «Астана» «Ақсуды», «Тобыл» «Қызылжарды» 1:0 есебімен сүріндірді.
Ал «Ақтөбе» «Шахтерді» 2:0 есебімен сүріндірсе, «Ордабасы» «Атыраудан» 2:1 есебімен басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.