АСТАНА. 17 қаңтар. ҚазАқпарат - Кеше «Жетісу» командасы молдавияның Ұлттық Дивизиясындағы аутсайдерлердің бірі, Гидигич қаласының «ЦСКА-Рапид» командасымен жолдастық кездесу өткізіп,
нәтижесінде 2:3 есебімен молдавиялық команда жеңіске жетті.
«Аламан» ұлттық спорт порталының мәліметіне қарағанда, «ЦСКА-Рапид» осының алдында Қарағандылық «Шахтерден» 1:3 есебімен жеңіліс тапқан болатын. Алдағы уақытта аталған команда «Таразбен» (18-ші қаңтарда) және «Астанамен» (20-шы қаңтарда) кездесу өткізбек.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.