Англиялық футболшылар алғашқы екі турда төрт ұпай жинап, плей-офф ссатысына бір тур бұрын жолдама алған еді. Соған қарамастан олар үшінші турда Панамаға қарсы кездесуде жеңіске жетуге күш салды.
Кездесу барысында олардың қатарынан Джуд Беллингем 62-минутта есеп ашса, Гарри Кейн 67-минутта көздеген нысанадан мүлт кеткен жоқ.
Осылайша олар қарсыласынан 2:0 есебімен басым түсіп, өз тобында 7 ұпаймен бірінші орын алды.
Сондай-ақ бұл топтағы тағы бір кездесуде Хорватия құрамасы Гананы 2:1 есебімен тізе бүктірді.
Ойын барысында хорватиялық Петар Сучич 31-минутта гол соқса, 73-минутта ганалық Деррик Люккассен таразы басын теңестірді.
Шешуші голды 83-минутта хорватиялық Никола Влашич соқты.
Нәтижесінде Хорватия өз тобында 6 ұпаймен келесі кезеңге жолдама алды.
Еске салсақ, бұдан бұрын Бельгия Жаңа Зеландияны ірі есеппен жеңді.