Бұл топтағы негізгі кездесу Колумбия - Португалия арасында өтті. Оңтүстік Америка және Еуропа құрлығының тәжірибелі құрамалары арасындағы кездесу топта қайсысы бірінші орын алатынын анықтайтын еді. Десе де олар тоассыз шабуыл ұйымдастырғанымен бір-бірінің қақпасынан саңылау таба алған жоқ.
Кездесу барысында құрамалар 0:0 есебіне қанағат білдірді. Нәтижесінде Колумбия 7, Португалия 5 ұпаймен плей-офф сатысына тікелей жолдама алды.
Сондай-ақ тағы бір кездесуде Конго Демократиялық Республикасы Өзбекстанмен шеберлік байқасты.
Алғашқы минуттарда белсенділік көрсеткен өзбекстандық футболшылар жылдам гол соғу мүмкіндігін іздеді. Олардың қатарынан Эльдор Шомуродов 10-минутта есеп ашқан еді, оған африкалық құрамадан Йоан Висса 68, 91, Фистон Майеле 78-минутта үш голмен жауап қайырды.
Ойын барысында Өзбекстан қарсыласына 1:3 есебімен есе жіберіп, жарыстың келесі сатысына 4 ұпаймен Конго ДР құрамасы шықты.
Еске салсақ, бұдан бұрын Бельгия Жаңа Зеландияны ірі есеппен жеңді.