АСТАНА. KAZINFORM — Футболдан 2026 жылғы әлем чемпионаты іріктеу кезеңінде Еуропа құрлығы бойынша бүгін, 5 қыркүйекте Франция Украинадан басым түсті.
Құрамалар D тобында сынға түсіп жатыр. Кездесу барысында қарсыластар тартысты ойын өткізді.
Усман Дембеле, Килиан Мбаппе бастаған франциялық футболшылар Украина қақпасы маңында жиі бой көрсетті.
Нәтижесінде олардың қатарынан Майкл Олисе 10-минутта мергендігімен көзге түссе, 82-минутта Килиан Мбаппе қорытынды есепті белгіледі.
Осылайша Франция қарсыласынан 2:0 есебімен басым түсті.
В тобы
Словения — Швеция 2:2
Швейцария — Косово 4:0
С тобында
Дания — Шотландия 0:0
Грекия — Беларусь 5:1
D тобы
Исландия — Әзербайжан 5:0
Украина — Франция 0:2
I тобы
Италия — Эстония 5:0
Молдова — Израиль 0:4
L тобы
Фарер аралдары — Хорватия 0:1
Черногория — Чехия 0:2.
Еске салсақ, 4 қыркүйекте Қазақстан құрамасы өз алаңында Уэльстен 0:1 есебімен жеңіліп қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.