Мексика астанасы Мехико қаласындағы «Ацтека» стадионында өткен ойын барысында қос құрама жылдам гол соғуға тырысты. Алғашқы минуттан мексикалық футболшылар белсенділік көрсетті. Нәтижесінде олардың қатарынан 9-минутта Хулиан Киньонес қақпаны дәл көздеді.
Бұл голдан кейін африкалық құрама таразы басын теңестіруге ұмтылса, мексикалық футболшылар есепті еселеуге тырысты.
Екінші кезеңде Оңтүстік Африка сапынан Яя Ситхоле 49-минутта қызыл қағаз алып, ойынде ерте аяқтауға мәжбүр болды.
Ал 67-минутта мексикалық шабуылшы Рауль Хименес қарсылас қақпасын саңылау тауып, есепті ұлғайта түсті.
Ойынның 84-минутынла Оңтүстік Африка сапынан Тхемба Зване, 92-минутында мексикалық Сесар Монтес алаңнан қуылды.
Енді екінші турда 19 маусымда Мексика Оңтүстік Кореямен кездессе, 18 маусымда Оңтүстік Африка құрамасы Чехиямен шеберлік байқасады.
Айта кетсек, бұл топтағы алғашқы турдағы тағы бір ойын Қазақстан уақытымен 7:00-де Оңтүстік Корея - Чехия арасында өтеді.
Айта кетейік, 2026 жылғы футболдан әлем чемпионаты тарихта алғаш рет бірден үш елде – АҚШ, Канада және Мексикада өтеді. Турнир матчтары 11 маусым мен 19 шілде аралығында 16 қалада ұйымдастырылады.
Сондай-ақ бұл FIFA тарихындағы ең ауқымды әлем чемпионаты болмақ. Өйткені алғаш рет топтық кезеңде 48 ұлттық құрама бақ сынайды.