Футболдан Африка ұлттар кубогы А тобындағы Кот-д’Ивуар мен Гвинея-Бисау құрамалары кездесуімен ашылды, деп хабарлайды Kazinform.
Кездесу барысында Кот-д’Ивуар құрамасы шабуылда белсенді ойнады. Секо Фофана 4, Жан-Филипп Крассо 58 минутта мергендік танытты.Осылайша олар қарсыласынан 2:0 есебімен басым түсіп, алғашқы жеңісіне қол жеткізді.
Енді аталған топта бүгін, 14 қаңтарда Нигерия мен Экваториалды Гвинея жасыл алаңға шығады.
В тобында Египет пен Мозамбик, Гана мен Кабо-Верде құрамалары шеберлік байқасады. Ойындар 13 қаңтар мен 11 ақпан аралығында Кот-д’Ивуардың Абиджан, Корото, Сан-Педро, Буаке, Ямусукро секілді 5 қаласында орналасқан 6 стадионда өтеді.
Еске салсақ, 12 қаңтарда Катарда футболдан Азия кубогы жалауын көтерді. Сондай-ақ биыл Еуропа чемпионаты (14 маусым-14 шілде), Америка кубогы (20 маусым-14 шілде) ойындары өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.