АСТАНА. KAZINFORM — Бұл турдағы бір ойын алдын ала өткізілсе, алтауы бүгін болады.Қазір шымкенттік БИІК, «Ақтөбе», «Томирис-Тұран» командалары үздік үштікте келеді.
Сондықтан олар бүгінгі ойында жеңіске жетуге бар күшін салатыны анық.
Ойын кестесі:
«Атырау» — «Ақтөбе»
«Жеңіс» (Астана) — «Томирис-Тұран» (Түркістан)
«Елімай» (Семей) — «Ұлытау» (Жезқазған)
«Жетісу» (Талдықорған) — «Қызылжар» (Петропавл)
«Тобыл» (Қостанай) — «Астана»
«Қайсар» (Қызылорда) — «Қайрат» (Алматы)
Бұл турдағы алдын ала өткізілген ойында шымкенттің БИІК (Шымкент) сырт алаңда Көкшетаудың «Оқжетпесін» 18:0 есебімен жеңді.
Федерация талабымен ерлер клубтарының жанынан биыл әйелдер құрамалары құрылған. Өткен жылы чемпионатқа тек 4 өңірден 5 команда ғана тіркелген еді.
Әр команда сапында кемінде қазақстандық футбол мектебінің 13 түлегі болуға тиіс деген талап қойылып отыр.
Айта кетсек, бұдан бұрын БИІК клубы сырт алаңда Семейдің «Елімай» командасын 7:1 есебімен жеңіп, турнир кестесінде бірінші орынға көтерілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.