АСТАНА. ҚазАқпарат - Футболдан бірінші лига командалары арасындағы ел біріншілігінің 24-туры мәресіне жетті, деп хабарлайды ҚазАқпарат тілшісі.
Турнир кестесінде көш басында келе жатқан Көкшетаудың «Оқжетпесі» аталған турда Алматының «Қайрат жастарына» 1:2 есебімен жол берді.
Ал Талдықорғанның «Жетісуы» өз алаңында Түркістанның «Яссы» клубынан 4:0 есебімен басым түсті.
Аталған турдағы қалған ойындарда өз алаңында Қызылорданың «Байқоңыры» Қарағандының «Шахтер-Болатына» 0:1 есебімен жеңілсе, Жамбыл облысының «Тараз-Қаратауы» Шымкенттің «Қыранына» 2:4 есебімен жеңілді.
Тағы бір кездесуде Павлодар облысының «Екібастұзы» елорданың «Астана жастарымен» 2:2 есебімен етң түсті.
Сондай-ақ, өз алаңында Астананың «Жеңісі» Қызылорданың «Қайсарына» 0:2, Шымкенттің «Академия Оңтүстігі» Жамбыл облысының «Игілігіне» 1:4 есебімен есе жіберді.
Енді алдағы тур ойындары 28 қазан күні өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.