АСТАНА. ҚазАқпарат – Футболдан бірінші лига командалары арасындағы ел біріншілігінің 20-туры мәресіне жетті, деп хабарлайды ҚазАқпарат тілшісі.
Аталған турда Көкшетаудың «Оқжетпесі» тағы да жеңіске жетіп, турнир кестесіндегі жағдайын жақсарта түсті. Бұл жолы олар елорданың «Астана жастарын» 8:0 есебімен тізе бүктірді.
Ал, Талдықорғанның «Жетісуы» сырт алаңда Қызылорданың «Байқоңырын» 4:1 есебімен сүріндірді.
Сондай-ақ, Қызылорданың «Қайсары» сырт алаңда Жамбыл облысының «Тараз-Қаратау» командасына 0:1 есебімен жол берді.
Аталған турдағы барлық ойын нәтижелері төмендегіше:
«Оқжетпес» - «Астана жастар» 8:0
«Екібастұз» - «Академия Оңтүстік» 2:2
«Байқоңыр» - «Жетісу» 1:4
«Тараз-Қаратау» - «Қайсар» 1:0
«Қыран» - «Шахтер-Болат» 1:1
«Жеңіс» - «Игілік» 4:0
«Қайрат жастар» - «Яссы»1:0
Енді 20-тур ойындары 30 қыркүйек күні өткізіледі.
Еске салсақ, бұдан бұрын ф утболдан ел біріншілігінде Мақтарал мен Қызылжар тең түсті .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.