АСТАНА. ҚазАқпарат – Футболдан бірінші лига командалары арасында Қазақстан чемпионатында түркістандық «Тұран» тоғыз ойын қатарынан жеңіске жетті, деп хабарлайды ҚазАқпарат тілшісі.
Түркістандық клуб 15-турда алматылық «Жас Қыранды» 6:1 есебімен тізе бүктірді.
Осылайша қатарынан тоғызыншы мәрте жеңіске жетті. Нәтижесінде турнир кестесінде бірінші орынға көтерілді. Екінші орындағы семейлік «Елімайдан» бір ойын артық өткізіп, екі ұпайға озып кетті.
Сондай-ақ елордалық «Жеңіс» Шымкенттің «Қыранынан» 3:0 есебімен басым түсті.
13 шілдеде «Түркістан» елордалық «Астана-2» командасын, алматылық «Хан тәңірі» Шымкенттің «Оңтүстік академиясын», Павлодар облысының «Екібастұзы» Түркістан облысының «Арысын» 3:0 есебімен тізе бүктірді.
Ал Оралдың «Ақжайығы» сырт алаңда «Ақтөбе-2» командасын 1:0 есебімен жеңді.
Енді аталған турда 15 шілдеде семейлік «Елімай» алматылық «Қайрат жастармен» кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.