АСТАНА. ҚазАқпарат - Футболдан бірінші лига командалары арасында Қазақстан чемпионатында «Түркістан» турнир кестесінде үздік үштікке жақындай түсті, деп хабарлайды ҚазАқпарат тілшісі.
Түркістандық клуб бүгін 15-турда өз алаңында елордалық «Астана-2» командасын 3:0 есебімен жеңді. Нәтижесінде турнир кестесінде үздік үштікте келе жатқан командаларға жақындай түсті.
Сондай-ақ, дәл осындай есеппен алматылық «Хан тәңірі» Шымкенттің «Оңтүстік академиясын», Павлодар облысының «Екібастұзы» Түркістан облысының «Арысын» тізе бүктірді.
Дәл қазір өтіп жатқан кездесуде Оралдың «Ақжайығы» «Ақтөбе-2» командасын 1:0 есебімен басым түсіп жатыр.
Енді 14 шілдеде «Тұран» (Түркістан) мен «Жас Қыран» (Алматы), «Елімай» (Семей) мен «Қайрат-Жастар» (Алматы), «Жеңіс» (Астана) пен «Қыран» (Шымкент) командалары кездеседі.
Еске салсақ, «Астана» Чемпиондар лигасында грузиялық «Динамомен» тең түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.