НҰР-СҰЛТАН. ҚазАқпарат - Футболдан бірінші лига командалары арасындағы Қазақстан біріншілігінің он үшінші турындағы алғашқы ойын өткізілді, деп хабарлайды ҚазАқпарат тілшісі.
Талдықорғанда жергілікті «Жетісу» Қызылорданың «Қайсарын» 2:1 есебімен қапы қалдырды. Ойын барысында алаң иелерінен Бауыржан Тұрысбек 13, 45-минуттарда мергендік танытса, оған қызылордалық клубтан 82-минутта Елисей Горшунов бір голмен жауап қайырды.
Аталған турдағы қалған ойындар 23 шілдеге белгіленген.
Қазір турнир кестесінде 26 ұпаймен «Қайсар» бірінші орында келеді. Одан кейінгі орындағы «Оқжетпестің» 25, «Қыранның» 23 ұпайы бар.
Еске салсақ, бұдан бұрын футзалдан UEFA Чемпиондар лигасы негізгі сатысының жеребесі тартылды.
Сондай-ақ, футболдан Қазақстан кубогында «Каспий» мен «Қызылжар» тең түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.