НҰР-СҰЛТАН. ҚазАқпарат - Футболдан бірінші лига командалары арасындағы Қазақстан чемпионатының ойын күнтізбесі белгілі болды, деп хабарлайды ҚазАқпарат тілшісі.
Доп додасына барлығы 14 команда қатысады. Олардың қатарында «Академия Оңтүстік» (Шымкент), «Ақжайық» (Орал), «Ақтөбе», «Атырау», «Алтай» (Шығыс Қазақстан облысы), «Арыс» (Түркістан облысы), «Байқоңыр» (Қызылорда), «Жетісу Б» (Талдықорған), «Қайрат-Жастар» (Алматы), «Қыран» (Шымкент), «Мақтарал» (Түркістан облысы), СДЮСШОР № 8 (Нұр-Сұлтан),«Шахтер-Болат» (Қарағанды) және «Екібастұз» (Павлодар облысы) командалары бар.
Турнир 1 шілдеде басталып, 2 қарашаға дейін жалғасады. Алғашқы турда «Ақтөбе» мен «Байқоңыр», «Атырау» мен «Қайрат-Жастар», «Ақжайық» пен «Жетісу Б», «Алтай» мен «Қыран», «Екібастұз» бен «Мақтарал», СДЮСШОР № 8 бен «Арыс», «Шахтер-Болат» пен «Академия Оңтүстік» командалары кездеседі.
Сондай-ақ, футболдан Қазақстан чемпионаты 1 шілдеде жалғасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.