АСТАНА. KAZINFORM - Футболдан бірінші лига командалары арасындағы Қазақстан чемпионатының бірінші турында Ақтаудың «Каспий» командасы жеңіске жетті.
Ақтаулық команда былтыр Премьер-лигада ойнады. Турнир кестесінде төменгі орынның бірін місе тұтып, бірінші лигаға түсіп қалды. Биыл алдына қайтадан үздіктер қатарына қосылу мақсатын қойып отыр.
Ақтаулық клуб бүгінгі кездесуде сырт алаңда «Арысты» 2:0 есебімен сүріндірді.
Ал «Ақжайық» өз алаңында «Екібастұзға» 0:1 есебімен жол берсе, Шымкенттің «Қыраны» «Түркістанға» 1:2 есебімен жеңілді.
Айта кетсек, 4 сәуірде «Оқжетпес» сырт алаңда «Таразды», «Ұлытау» «SD Family» командасын 2:1 есебімен тізе бүктірсе, «Қайсар-жас» «Ақтөбе-жастан» 3:1, «Хан Тәңірі» «Жетісайды» 1:0 есебімен жеңді.
Енді 7 сәуірде «Қайрат-Жастар» «Алтайды» қабылдайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.