АСТАНА. KAZINFORM - Футболдан бірінші лига командалары арасындағы Қазақстан біріншілігінде бесінші туры мәресіне жетті.
Аталған турдың екінші жарыс күнінде Ақтаудың «Каспийі» сырт алаңда Алматының «Қайрат-2» командасынан «Каспий» 2:1 есебімен басым түсті.
Ақтаулық клуб осылайша қатарынан төртінші мәрте жеңіске жетті. Әзірге ұпайдан шашау шығарған жоқ. Турнир кестесінде көш басында тұр.
Тағы бір ойында Жезқазғанның «Ұлытау» клубы өз алаңында Павлодар облысының
«Екібастұзын» 2:1 есебімен жеңсе, Түркістан облысының «Арысы» «Ақтөбе-2» клубына 2:3, Өскеменнің «Алтайы» Алматының «Хан тәңіріне» 0:1 есебімен есе жіберді.
Айта кетсек, 2 наурызда Түркістан облысының «Жетісайы» «Түркістанды» 5:2, «Тараз»
«Ақжайықтан» 3:1 есебімен басым түссе, «Қайсар-2» мен «Оқжетпес» 0:0 есебіне қанағат білдірді.
Енді алдағы тур ойындары 9 және 10 мамыр күндері өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.