АСТАНА. KAZINFORM - Футболдан Бірінші лига командалары арасындағы Қазақстан біріншілігінің XI турында Түркістан облысының «Жетісайы» көш басына шықты.
Түркістандық клуб өз алаңында Алматының «Қайрат-2» командасын қабылдады. Бірінші кезеңнің өзінде «Жетісай» қарсылас қақпасына жауапсыз 6 гол соғып үлгерді.
Екінші кезеңде алматылық футболшылар оған 2 голмен жауап қайырды.
Кездесуде түркістандық команда қарсыласын 6:2 есебімен тізе бүктіріп, турнир кестесінде бірінші орынға көтерілді.
Сондай-ақ аталған турдың алғашқы ойын күнінде «Ақтөбе-2» өз алаңында «Ұлытауға» 0:3 есебімен есе жіберсе, «SD Family» «Tүркістанды» 5:0, «Хан тәңірі» «Екібастұзды» 2:1 есебімен жеңді.
Енді 14 маусымда «Ақжайық» пен «Алтай», «Қайсар-2» мен «Тараз», «Оқжетпес» пен «Каспий» кездеседі.
Еске салсақ, Қазақстанда «Атлетико Мадрид» футбол академиясы ашылады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.