АСТАНА. KAZINFORM - Футболдан UEFA Чемпиондар лигасының жартылай финалындағы екінші ойында «Боруссия Дортмунд» (Германия) пен «Пари Сен-Жермен» (Франция) кездеседі.Кездесу «Qazsport» телеарнасынан 1 мамырда тікелей эфирде 23:50-де көрсетіледі.
Екі команда бұған дейін алты мәрте кездесті. Оның біреуінде «Боруссия Дортмунд» басым түсіп, үшеуінде тең нәтиже тіркелсе, қалғанында «Пари Сен-Жермен» командасының мерейі үстем болды.
Екі команда құрамында жарақат алған ойыншылар бар. Олардың қатарында «Боруссия Дортмунд» сапында қорғаушы Рами Бенсебаини, шабуылшылар Себастьен Аллер, Дониэлл Мален, «Пари Сен-Жермен» клубынан қақпашы Серхио Рико, қорғаушылар Преснел Кимпембе, Лейвин Курзава бар.
«Боруссия Дортмунд» командасы 1997 жылы Чемпиондар лигасында топ жарса, «Пари Сен-Жермен» әзірге мұндай жоғары жетістікке қол жеткізе алған жоқ.
Бұл командалардың қарымта кездесуі 7 мамырға белгіленген.
Еске салсақ, жартылай финалдағы тағы бір ойында «Бавария» мен «Реал Мадрид» тең түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.