НҰР-СҰЛТАН. ҚазАқпарат - Бүгін, 15 наурызда футболдан UEFA Чемпиондар лигасы 1/8 финалының тағы екі ойыны өткізіледі, деп хабарлайды ҚазАқпарат тілшісі.
Ойындар 15-16 наурыз күндеріне белгіленген.
Алдымен 15 наурызда Англияның «Манчестер Юнайтед» және Испанияның «Атлетико Мадрид» (бірінші ойын 1:1), Нидерландының «Аякс» және Португалияның «Бенфика» (бірінші ойын 2:2) командалары жасыл алаңға шығады.
Ойындар елорда уақытымен 01.50-де «Qazaqstan» және «Qazsport» телеарналарынан көрсетіледі.
Ал 16 наурызда өз алаңында «Ювентус» (Италия) пен «Вильярреал» (Испания), «Лилль» (Франция) және «Челси» (Англия) шеберлік байқасады.
Еске салсақ, бұдан бұрын қос ойынның нәтижесімен «Манчестер Сити» (Англия), «Реал Мадрид» (Испания), «Бавария» (Германия) мен «Ливерпуль» (Англия) командалары 1/4 финалға жолдама алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.